Galería de fotos das actividades municipais

Con motivo da celebración do Día da Muller Traballadora tivo lugar no pavillón de Xanceda un curso de defensa persoal no que as mulleres do concello puideron aprender a defenderse nunha situación de perigo.

Imaxes da cea que todos os anos reúne a mulleres do noso concello para celebrar o Día da Muller Traballadora. Este ano celebrouse no Restaurante Manteiga o venres 5 de marzo.

Imaxes tomadas nas distintas actividades que se levaron a cabo con motivo da celebración do Entroido: taller de disfraces nas clases da actividade "Xogar", comida-baile de Entroido e festa de Entroido.

Imaxes dos/as nenos/as de 3 a 5 anos e de 6 a 10 anos cantando panxoliñas en inglés no Obradoir de inglés que tivo lugar todos os martes e xoves na Casa da Cultura.

Dentro das actividades programadas para o Nadal tivo lugar un taller de monicreques onde cada rapaz creou o seu propio boneco.

Imaxes sacadas nunha xornada de cahibol realizada no Pavillón de Olas con motivo da chegada dos Reis Magos. Nesta xornada xogaron ao cachibol tanto os nosos maiores como os seus fillos e netos e contaron cunha visita moi especial, un dos Reis Magos.

Fotografías sacadas na Festa dos Reis Magos celebrada no Pavillón de Xanceda o día 5 de xaneiro pola tarde. Uns 100 rapaces e rapazas do noso concello e concellos de arredor pasaron a recoller o agasallo que os Reis Magos trouxeron para eles.