|
 16-6-2010.- A Consellería de Traballo e Benestar vén de publicar no Diario Oficial de Galicia (DOG) do martes 15 de xuño de 2010 a Orde do 2 de xuño de 2010 pola que se establecen as bases reguladoras do programa de incentivos para promover a afiliación á Seguridade Social das persoas cotitulares ou titulares de explotacións agrarias, cofinanciado polo Fondo Social Europeo, e se procede á súa convocatoria para o ano 2010.
Se desexa coñecer o contido íntegro da orde, pode consultala tal como se publicou na edición dixital do DOG facendo clic aquí. Tamén pode descargar a súa versión en pdf facendo clic aquí.
Este é un pequeno resumo:
AXUDAS
A contía total da axuda será de 3.000,00 € por persoa beneficiaria.
BENEFICIARIOS
- Persoas incorporadas ao réxime especial de traballadores por conta propia ou autónomos a través do sistema especial de traballadores por conta propia agrarios a partir do 1 de outubro de 2009 e que estean incluídas nalgún dos colectivos e cumpran os requisitos previstos no artigo 2 desta orde.
- Persoas beneficiarias deste programa en calquera das convocatorias dos anos 2006, 2007, 2008 e 2009.
SOLICITUDES E DOCUMENTACIÓN
As solicitudes dirixiranse ao Director Xeral de Promoción de Emprego da Consellería de Traballo e Benestar coa documentación que se especifica no artigo 6 da orde.
PRAZO DE PRESENTACIÓN: Ata o 16 de xullo de 2010.
|
