ESTE VENRES PRESÉNTASE ANTE OS VECIÑOS UN NOVO PROXECTO PARA ESTENDER A COBERTURA DA BANDA LARGA NO MUNICIPIO

09-11-2011.- O Concello de Mesía e a empresa Intermax colaboran nun novo proxecto co que se pretende darlle cobertura de banda larga de internet ao municipio. O proxecto será presentado este venres 11 de novembro, a partir das 21:30 horas, nunha reunión informativa na Casa da Cultura en Xanceda. Todos os cidadáns interesados están convocados a acudir. Estes días remitiuse por correo unha carta da empresa a todos os domicilios informando da reunión.

Na reunión, técnicos e persoal especializado da empresa explicarán as características do proxecto e darán a coñecer os detalles do servizo proporcionado pola empresa. O Concello e a compañía convidan a todos os interesados a acudir para informarse e tamén para aclarar todas aquelas dúbidas que poidan existir.

Para todos aqueles que estean interesados e non poidan asistir, a empresa ofrece dous teléfonos de contacto nos que obter tamén información. Son o 902 908 737 e o 900 866 972 (gratuíto). Tamén se pode establecer comunicación a través da dirección de correo electrónico info@intermax.com

· Web Oficial do Concello de Mesía. · Xanceda s/n. 15685 - Mesia. A Coruña. Tlf: 981 687001. Fax: 981 687069


v.03.01:0,052 GestionMax Novas Política privacidade Aviso legal Buscador