|
 3-6-2010.- As persoas interesadas en coñecer Lisboa e os seus arredores poderano facer os días 24, 25, 26 e 27 de xuño grazas a unha excursión organizada polo Concello de Mesía.
O programa desta saída é o seguinte:
DÍA 24 DE XUÑO: saída de Mesía con destino a Aveiro, onde xantaremos e teremos tempo libre para coñecer este antigo porto de mar. Pola tarde continuaremos a viaxe e visitaremos Nazaré, Óvidos e Estoril. Chegada ao hotel, cea e aloxamento.
DÍA 25 DE XUÑO: visita guiada ás cidades de Sintra (onde poderemos visitar o Castelo de Mouros, o Parque Monserrate e o Palacio Nacional) e a Cascáis (unha pequena e pintoresca vila de pescadores considerado o balneario de vacacións da costa portuguesa).
DÍA 26 DE XUÑO: visita guiada de Lisboa, cidade turística por excelencia e capital de Portugal, onde poderemos ver o Mosteiro dos Xerónimos, Torre de Belém, a Praza do Rocío, a Ponte do 25 de Abril, o Bom Xesús, o Parque de Eduardo VII...
DÍA 27 DE XUÑO: saída cara a Mesía, visitando Coímbra, cidade universitaria do norte de Portugal.
Aquelas persoas interesadas poderanse anotar ata o día 11 de xuño (incluído) en Servizos Sociais (dentro do edificio do concello).
O prezo da excursión é de 200€ en habitación dobre e de 260€ en habitación simple (prezo por persoa). O Concello de Mesía subvencionará unha parte do importe da viaxe.
Máis información no teléfono 981 687 238.
|
