24-6-2010.- Este ano o alumnado do colexio de Xanceda e das Escolas Unitarias de Olas, de Mesía e de Visantoña tivo unha saída de fin de curso moi cerca da súa casa. Trátase da visita á Aula da Natureza e Museo Etnográfico das Brañas da Valga, en Visantoña.

O alumnado das unitarias visitou este complexo, que conta tamén cun Centro de Interpretación da Arxila, o venres 18 de xuño, mentres que os do colexio de Xanceda (dende infantil a cuarto de primaria) fixérono o luns 21 de xuño.

Nestas visitas os/as rapaces/as puideron coñecer o mundo do barro: as súas características, a forma de traballo, as diversas utilidades, etc. Aproveitaron tamén para explorar o contorno: paisaxe, flora e fauna das Brañas da Valga. Incluso fixeron unha análise da auga da pequena lagoa que rodea ao museo. Para rematar, trala comida, practicaron xogos ao aire libre e probaron os aparatos de ximnasia que recentemente se instalaron na área de lecer das Brañas.

Estes/as nenos/as estiveron sempre acompañados/as dos monitores das actividades e dos seus mestres e mestras, que estiveron pendentes deles/as en todo momento e que lles axudaron a pasar un día máis entretido e á vez didáctico.

Para ver algunhas fotos desta actividade pode facer clic en "Ler máis". Todas as fotos están dispoñibles na pestana "Galería de fotos das actividades municipais".

19-6-2010.- A rede viaria municipal do Concello de Mesía recibirá durante os próximos meses múltiples actuacións de mellora e reparación, cun investimento total de 570.000 euros, financiados polas administracións local, provincial, autonómica e central.

Os traballos beneficiarán a arredor de vinte e cinco tramos de estradas, pistas e camiños, especialmente deteriorados a causa das inclemencias meteorolóxicas invernais. Consistirán na rehabilitación de gabias, a execución de asfaltados e reasfaltados, reposicións de firmes de zahorra, fortalecemento de interseccións e limpeza e mellora de canalizacións pluviais.

16-6-2010.- O Concello de Mesía ten aberto ata o 30 de xuño o prazo para inscribirse nas múltiples actividades da súa programación de verán. Os veciños recibirán nos seus domicilios durante os vindeiros días o folleto coa programación detallada. Na web, xa se pode acceder a el facendo clic aquí. O concello advirte dun erro involuntario no documento, dado que non figura a data do 1 de xullo nas saídas á praia.

16-6-2010.- A Consellería de Traballo e Benestar publicou no Diario Oficial de Galicia (DOG) do martes 15 de xuño de 2010 a Orde do 2 de xuño de 2010 pola que se establecen as bases reguladoras do programa de incentivos para promover a afiliación á Seguridade Social das persoas cotitulares ou titulares de explotacións agrarias, cofinanciado polo Fondo Social Europeo. O prazo de presentación das solicitudes remata o 16 de xullo.

Se desexa coñecer o contido íntegro da orde, pode consultala tal como se publicou na edición dixital do DOG facendo clic aquí. Tamén pode descargar a súa versión en pdf facendo clic aquí.

5-6-2010.- Ante a chegada do verán, o concello de Mesía intensifica as tarefas de conservación e mantemento periódico nas súas áreas recreativas e espazos de lecer ao aire libre. A brigada municipal aumenta a frecuencia das súas intervencións para que os cidadáns atopen estas instalacións públicas limpas, ordeadas e perfectamente acondicionadas para o seu uso.

05-06-2010.- Onte, 4 de xuño, tivo lugar no pavillón de Xanceda a festa de fin de actividades municipais 2009-2010.

Ás 16:30 h comezou a festa infantil-xuvenil, con demostración de distintas actividades, entrega de diplomas e agasallos e cunha merenda para todos/as.

Xa no serán, ás 21:30 h a festa foi para os adultos. Houbo exhibición tamén de distintas actividades, entrega de camisetas e petiscos para todos os presentes.

4-6-2010.- O programa "Tempo Fóra para Maiores" do Concello de Mesía concluíu a súa andaina deste curso o xoves 3 de xuño cunha representación de teatro proposta pola Concellería de Cultura. A obra titulada "O gordo e o calvo van ao médico"  pertence á compañía "Os sete magníficos máis un".

A función teatral tivo lugar ás 17:00 h no novo auditorio habilitado polo concello no edificio do colexio de Lanzá. Durou hora e media, pero foron uns minutos moi entretidos, pois os protagonistas da obra fixeron partícipe ao público nas súas historias e enredos e arrincaron varios sorrisos aos maiores.

Para ver a representación acudiron unhas 90 persoas, moitas delas usaron o autobús que o concello puxo á súa disposición con percorrido polas parroquias.

O concello espera que para o vindeiro curso a terceira idade se volva a animar a participar neste programa co cal se pretende que os nosos maiores pasen un anaquiño entretido fóra da súa casa mentres fan actividades moi distintas e moi útiles para exercitar a súa memoria, atención e concentración. Grazas a todos por participar!

3-6-2010.- O próximo martes 8 de xuño terá lugar na Casa da Cultura en Xanceda ás 21:00 h un recital poético de versos de Rosalía de Castro titulado "Ao raso coas lebres".

Este recital está organizado por Casa Hamlet e os intérpretes dos versos rosalianos serán Santiago Fernández e Manuel Lourenzo. Todo o recital estará amenizado polos músicos Brandán lourenzo e Manu Clavijo.

3-6-2010.- Debido ao éxito que tiveron o ano pasado as saídas á praia, este verán o Concello de Mesía volve propoñelas durante os meses de xullo e agosto. Por tanto, todos os xoves destes meses (1, 8, 15, 22 e 29 de xullo e 5, 12, 19 e 26 de agosto) os veciños do concello terán ocasión de pasar un día na praia, gozando da auga e do sol e tomando un merecido descanso.

3-6-2010.- O Concello de Mesía organiza para os días 24, 25, 26 e 27 de xuño unha excursión a Lisboa e á costa portuguesa.

As persoas interesadas poderán anotarse no departamento de Servizos Sociais do Concello de Mesía ata o 11 de xuño (incluído).

Haberá límite de 50 prazas.

O prezo será de 200€ en habitación dobre e de 260€ en habitación simple (o concello subvenciona unha parte da excursión).

Máis información facendo clic en "Ler máis" e no teléfono 981 687 238.