15-12-2011.- O Concello de Mesía difunde a nova convocatoria de axudas a proxectos de enerxías renovables, que acaba de publicar o DOG. O programa do Instituto Enerxético de Galicia (Inega) ten liñas de apoio á enerxía solar térmica, ás caldeiras de biomasa, á fotovoltaica conectada á rede, á fotovoltaica illada e instalacións mixtas, e á gasificación/biogas. As solicitudes poden presentarse desde onte mércores e durante 45 días, por parte de persoas físicas maiores de idade, empresas, autónomos e administracións públicas. Toda a información en 'ler máis'.
14-12-2011.- O Concello de Mesía pon en marcha un novo servizo de roupeiro social, unha iniciativa coa que pretende colaborar cos cidadáns con máis dificultades económicas a través da solidariedade. O servizo recollerá roupa, calzado e calquera outro obxecto en bo estado, garantindo sempre o anonimato das persoas beneficiarias. Tamén establece a posibilidade de realizar solicitudes públicas de maneira anónima nun taboleiro de anuncios específico. Máis información no Departamento de Servizos Sociais (981 68 72 38) e en 'ler máis'.
13-12-2011.- O Concello de Mesía informa de que hoxe martes 13 de decembro é a data de inicio do Plan Renove de Fiestras 2011, convocado polo Inega. As solicitudes poderán empezar a presentarse dentro de 25 días hábiles ata o 29 de marzo de 2012 ou ata que se rematen os fondos dispoñibles. As axudas poden chegar ata o 25% do custo total da obra, cun máximo de 3.000 euros por vivenda ou piso ou 50.000 por edificio (no caso de vivenda colectiva ou edificios do sector servizos). O plan subvenciona a substitución de fiestras que formen parte da envolvente térmica do edificio, por outras de igual ou inferior tamaño, a colocación dunha fiestra paralela á existente en dobre fiestra, e a renovación de portas que separen estancias calefactadas do exterior. Premendo aquí pódese consultar a convocatoria completa, publicada no DOG deste luns 12. Máis información en 'ler máis'.
09-12-2011.- A Consellería de Traballo e Benestar publicou no DOG do 30 de novembro unha convocatoria pública do recoñecemento das competencias profesionais adquiridas a través da experiencia laboral nas seguintes unidades de competencia do Catálogo nacional de cualificacións profesionais: Atención sociosanitaria a persoas no domicilio, Atención sociosanitaria a persoas dependentes en institucións sociais, Confección e mantemento de artes e aparellos, Fabricación e montaxe de instalacións de tubaxe insdustrial e Operacións básicas de restaurante bar.
Pódese consultar máis información da convocatoriaen 'ler máis'.
09-12-2011.- O Boletín Oficial da Provincia (BOP) acaba de publicar os anuncios de exposición pública da aprobación inicial do regulamento do programa de axudas de alimentos e da modificación do regulamento dos ficheiros de datos de carácter persoal do Concello de Mesía. Ambos acordos foron tomados no pleno municipal do pasado 29 de novembro. O prazo de exposición é de trinta días hábiles.
07-12-2011.- O Concello de Mesía informa de que os próximos días 6, 7, 8, 9 e 10 de febreiro do 2012 se poderá facer por primeira vez ou renovar o DNI en Ordes. Hai que concertar unha cita no número de teléfono 981 680 002 (Concello de Ordes). Neste teléfono ofrecen toda a información sobre o lugar e a documentación que hai que achegar. Haberá prazas limitadas.
05-12-2011.- O Concello de Mesía colabora co terceiro festival a favor da Asociación de Discapacitados de Ordes e Comarca (Adiscordes), que se celebra este domingo 11 de decembro a partir das 17:00 horas na discoteca LP 45 de Ordes. O Concello repartiu invitacións para o alumnado do CPI de Xanceda e das escolas unitarias e ademais anima á cidadanía a acudir. O festival contará coa actuación do grupo Pesdelán e ao remate está previsto un sorteo de agasallos. A entrada custa 5 euros por cada persoa adulta e resulta de balde para nenos, cun máximo de dous cativos por persoa adulta. Quen non teña ocasión de acudir pero queira colaborar con Adiscordes, ten a opción da 'fila cero', mediante a cal poderá facer achegas económicas ingresándoas na conta corrente da asociación 2080-0382-56-3000041039.
29-11-2011.- O Plan de Obras e Servizos (POS) de 2012 servirá para acometer o proxecto de extensión da rede municipal de submunistro de auga potable na parroquia de Cabrui. O investimento será duns 96.000 euros, o equivalente a un 40% do plan, que cofinancian a administración central do Estado, a Deputación e o Concello. O 60% restante cubrirá gastos correntes co obxectivo de garantir servizos públicos. O investimento foi aprobado na sesión plenaria municipal de hoxe, que entre outros asuntos tamén aprobou inicialmente o regulamento do programa de axudas de alimentos.
28-11-2011.- A saída de sendeirismo organizada polo Concello de Mesía pola comarca das Mariñas levou a quince persoas a coñecer o entorno natural da zona, co río Mero e a ría do Burgo como elementos principais, e a percorrer a pé algúns dos lugares máis emblemáticos da cidade da Coruña. A saída tivo a orixinalidade de desenvolver boa parte do seu traxecto, de ida e volta, en tren. Con esta nova proposta, o Concello continúa fomentando a práctica do sendeirismo, que no propio municipio conta cunha ruta homologada cun número cada vez maior de camiñantes. Galería de fotos.
25-11-2011.- O Ministerio do Interior puxo en marcha o "Plan Maior Seguridade"dirixido á prevención e mellora da seguridade dos nosos maiores. Dentro deste plan a Garda Civil imparte charlas sobre como previr roubos, estafas, etc. No Concello de Mesía vanse ofrecer dez charlas para todas aquelas persoas maiores interesadas. Máis información e indicacións dos lugares e horarios das charlas en “ler máis”.
25-11-2011.- O Ministerio do Interior puxo en marcha o 
