04-11-2011.- O programa do Concello de Mesía 'Os nosos espectáculos' trae á Casa da Cultura unha nova representación teatral. Será o venres 25 de novembro, ás 21:30 horas, coa obra "RR.HH. (o método)", da asociación "O aturuxo de Melpémone". A entrada é de balde, tanto para cidadáns de Mesía como para veciños doutros municipios, pero cómpre inscribirse previamente no teléfono 981 68 72 41 antes do 19 de novembro. Máis información en 'ler máis'.
03-11-2011.- Debido ás malas codicións meteorolóxicas previstas para este venres, o Concello de Mesía decidiu aprazar a final do I Torneo de Pádel para o próximo venres 11 de novembro ás 16:30 h, sempre e cando ese venres faga bo tempo e os xogadores estean dispoñibles para xogar, senón irase aprazando ata un venres no que se poida disputar o partido. A final terá lugar na pista de pádel de Cabrui. Os equipos finalistas están compostos por Víctor e Marcelino, de Arzúa, e por Miguel e Manuel, do Concello de Mesía.
02-11-2011.- A ruta de sendeirismo programada polo Concello de Mesía para o sábado 26 de novembro admite inscricións ata o luns 21. A actividade, para maiores de 16 anos, contempla a saída en tren desde a estación de Curtis pola mañá, deténdose en Cecebre para continuar a pé polo embalse ata o paseo marítimo-fluvial do Burgo e o paseo marítimo da Coruña. O retorno será en tren ata Curtis. Máis información en 'ler máis'.
26-10-2011.- A final do I Torneo de Pádel prevista para o sábado 5 de novembro adiántase para o venres 4. Esta final terá lugar ás 16:30 h na pista de pádel de Cabrui. As parellas finalistas son Marcelino Pena e Víctor Carreira, por un lado, e Miguel Rodríguez e Manuel Bermúdez, polo outro. Haberá trofeo tanto para a parella gañadora como para a parella subcampioa.
15-10-2011.- Os/as participantes do I Torneo de Pádel do Concello de Mesía poden consultar o cadro de competición actualizado pinchando aquí. Neste cadro, en azul figuran os gañadores dos partidos xogados ata o momento. En canto a aqueles partidos que aparecen sen hora, débese a que xa se disputaron anteriormente. Tamén se poden consultar os resultados dos partidos aquí. O Concello, como organizador, lémbralles tamén a todos/as os xogadores as normas que rexen os partidos, que se poden consultar premendo aquí.
13-10-2011.- A programación de actividades culturais, deportivas e de lecer do Concello de Mesía do curso 2011-2012 recibiu máis de 500 solicitudes de praza. As distintas propostas comezaron paulatinamente nos últimos días e prolongaranse, en boa parte dos casos, ata comezos de xuño de 2012. A demanda é especialmente elevada nas actividades infantís e nas destinadas á terceira idade. O Concello de Mesía lembra que aínda quedan prazas dispoñibles nalgúns grupos e recomenda informarse na Casa da Cultura (981 68 72 41).
11-10-2011.- O Boletín Oficial da Provincia publica hoxe o anuncio polo que se somete a exposición pública o expediente relativo á solicitude de licenza para "Ampliación do cemiterio parroquial de San Mamede de Lanzá", presentada pola Asociación de Veciños de Lanzá. Unha vez publicado o anuncio tamén no DOG, o prazo de exposición pública será de vinte días. Premendo aquí pode consultarse o anuncio no BOP.
08-10-2011.- O Concello de Mesía informa de que aínda restan quince días, ata o 23 deste mes, para a presentación de solicitudes do Plan Renove de Equipos de Iluminación Interior, convocado polo Instituto Enerxético de Galicia (Inega). Esta liña de axudas ten por obxectivo fomentar a mellora da eficiencia enerxética, a través da renovación de instalacións existentes, de equipos de iluminació por outras máis eficientes, para reducir o consumo de enerxía. O investimento mínmo é de 500 euros, cunha subvención do 25% que non superará os 1.500 euros no caso de vivendas unifamiliares.
04-10-2011.- Os veciños de Mesía aproveitaron as 50 prazas dispoñibles no programa 'Mar Achega' da Consellería do Mar para acudir a coñecer, na xornada de hoxe, a actividade mariñeira na localidade de Lira (Carnota), emblema da Costa da Morte. Presenciaron unha simulación dunha poxa na lonxa, percorreron unha zona de marisqueo do percebe en visita guiada, xantaron produtos do mar e outros con distición de calidade e tamén visitaron a Casa de Pepe do Cuco, convertida en museo mariñeiro. A galería de fotos da excursión pode verse premendo aquí.
01-10-2011.- Preto de medio cento de persoas participaron na viaxe a Segovia, Madrid e Toledo organizada polo Concello de Mesía durante os días 28, 29 e 30 de setembro. Os cidadáns tiveron ocasión de coñecer lugares máis destacados das tres cidades, como o acueducto de Segovia, a Plaza Mayor de Madrid ou, no caso da provincia de Toledo, as Bodegas Osborne en Malpica de Tajo. A galería de imaxes desta viaxe pode observarse premendo aquí.
