 |
HOXE COMEZA O PLAN RENOVE DE FIESTRAS 2011 DO INEGA |
|
 |
 |
|
|
|
|
13-12-2011.- O Concello de Mesía informa de que hoxe martes 13 de decembro é a data de inicio do Plan Renove de Fiestras 2011, convocado polo Instituto Enerxético de Galicia (Inega) para a promoción do aforro e a eficiencia enerxética nas vivendas e os edificios.
A contía das axudas desta iniciativa poderá chegar ata os 3.000 euros por piso ou vivenda unifamiliar e ata 50.000 euros por edificio, tanto de vivendas como do sector servizos. En todo caso, a axuda nunca excederá o 25% do custo total da obra.
Prazo
A solicitude de axudas abrirase aos 25 dias hábiles da data de publicación no Diario Oficial de Galicia (DOG), este luns 12 de decembro. O prazo rematará o 29 de marzo de 2012, ou antes se se produce un agotamento anticipado por remate dos fondos do plan, uns 2,5 millóns de euros para toda Galicia.
Actuacións subvencionables
O Plan Renove de Fiestras subvenciona a substitución de novas fiestras que formen parte da envolvente térmica do edificio, por outras de igual ou inferior tamaño, sempre e cando cumpran determinadas esixencias de eficiencia enerxética e dispoñan de marcado CE, entre outros requisitos.
Tamén serán subvencionables a colocación dunha nova fiestra paralela á existente (doble fiestra) e a renovación de portas que separen estancias calefactadas do exterior, sempre e cando cumpran coas espeficacións técnicas deste artigo e teñan marco por todo o perímetro.
Beneficiarios
Poderán ser beneficiarios das subvencións as persoas físicas e xurídicas de dereito público ou privado, propietarios ou titulares de calquera dereito sobre inmobles do sector residencial e terciario, comunidades ou mancomunidades de veciños, sempre que a actuacións subvencionable se realice en edificacións da súa titularidade situadas en Galicia. Para poder ser beneficiario da axuda deberase tramitar a súa solicitude a través dalgunha das entidades colaboradoras adheridas ao Plan, que serán publicadas polo Inega nunha listaxe o 9 de xaneiro de 2012.
Máis información.
Premendo aquí pódese consultar a convocatoria completa, publicada no DOG deste luns 12. Para resolver dúbidas, pódese acudir á Casa do Concello ou tamén contactar co Inega no 981 541 500 ou no correo electrónico renovefiestras1@inega.es
|
|
|
|
|
|
|
|
|
|
|
|
|
