|
 24-11-2011.- O Concello de Mesía únese á campaña da Secretaría Xeral de Igualdade para conmemorar o 25 de novembro como o Día Internacional para a eliminación da violencia de xénero. Esta campaña quere sensibilizar sobre este tipo de violencia mediante un spot de TV, cuñas de radio e cartelería, un ciclo de cine e unha exposición de carteis cinematográficos relacionados coa temática.
O Concello de Mesía situará os carteis desta campaña na Casa Consistorial e na Casa da Cultura, así como lazos morados para aquelas persoas que queiran lucir un en apoio ás vítimas da violencia de xénero.
O concello tamén anima a todas aquelas persoas vítimas da violencia de xénero para que denuncien, para iso pódeno facer no teléfono 016, no teléfono de información á muller 900 400 273 ou no Centro de Información á muller (CIM) de Ordes.
O CIM de Ordes é un servizo da Mancomunidade de Ordes, da cal o Concello de Mesía forma parte, que ofrece información xurídica, atención psicolóxica e información sobre os recursos existentes na zona e calquera outra actividade que poida mellorar a igualdade entre homes e mulleres na Comarca de Ordes. O seu horario é de 8:00 a 15:00 h de luns a venres, para asesoramento xurídico é os luns de 15:30 a 21:30 h e para asesoramento psicolóxico de luns a venres con cita previa. Pódese contactar con eles mediante o teléfono 981 682 108 ou por correo electrónico cim@ordes.dicoruna.es. Pódese obter máis información na páxina web: www.ordessenviolencia.org.
O Concello de Mesía, concienciado con esta problématica e tentando buscar solucións a este problema e a outros derivados da desigualdade existente entre homes e mulleres, está elaborando actualmente o II Plan de Igualdade, que se publicará nos próximos meses.
|
