O PRAZO PARA PREINSCRIBIRSE NO CURSO PREPARATORIO PARA AS PROBAS DO CELGA 4 REMATA O VINDEIRO 4 DE FEBREIRO

17-01-2012.- O Concello de Mesía informa de que o vindeiro 4 de febreiro remata o prazo para preinscribirse no curso preparatorio para as probas do Certificado de Lingua Galega (CELGA) en nivel 4.

Estes cursos foron anunciados pola Consellería de Educación e Ordenación Universitaria no Diario Oficial de Galicia (DOG) do 9 de xaneiro, nunha orde que se pode consultar premendo aquí. Teñen carácter voluntario e gratuíto e son preparatorios para as probas dos niveis CELGA, para particulares e colectivos. O curso preparatorio que se programa en Mesía é o correspondente ao nivel 4.

As preinscricións poden efectuarse nas oficinas xerais do Concello, entregando unha fotocopia do DNI. O curso só se desenvolverá cun mínimo de vinte persoas preinscritas.

O CELGA é un sistema de certificación de coñecementos da lingua galega adaptado ao marco europeo común de referencia para as linguas. Ten utilidade a efectos de requisitos ou méritos laborais e académicos. Para obter o certificado, convócanse periodicamente probas a nivel autonómico. Para superalas, adoitan celebrarse cursos con carácter voluntario e gratuíto como o que prepara o Concello de Mesía.

A alcaldía emitiu un bando para informar sobre esta convocatoria.

· Web Oficial do Concello de Mesía. · Xanceda s/n. 15685 - Mesia. A Coruña. Tlf: 981 687001. Fax: 981 687069


v.03.01:0,052 GestionMax Novas Política privacidade Aviso legal Buscador