O TORNEO SOLIDARIO DE FÚTBOL SALA 'MESÍA CONTRA O CANCRO' ADIÁNTASE AO SÁBADO 7 DE XANEIRO

26-12-2011.- A solidariedade chegará a Mesía un día antes do previsto. O Concello de Mesía acaba de decidir o adianto do IV Torneo Solidario de Fútbol Sala 'Mesía Contra o Cancro' ao sábado 7 de xaneiro. O cambio débese a imposibilidade dos equipos participantes para compaxinar a súa presenza neste evento a beneficio da AECC cos seus compromisos nas competicións oficiais.

Non obstante, o programa mantense sen alteracións. No polideportivo municipal en Olas, a partir das 10 e ata as 14:30 horas pola mañá e desde as 15:30 ata as 20 horas pola tarde, desenvolveranse os distintos encontros entre oito equipos masculinos e entre catro equipos femininos (todos con deportistas maiores de quince anos) e un partido entre dous equipos infantís, con idades entre os tres e os seis anos.

Toda a recadación do torneo solidario destínase á Asociación Española Contra el Cáncer (AECC). Ademais das inscricións dos equipos (50 euros cada un), contribuirán as achegas de numerosas empresas e entidades de Mesía e da zona, e tamén as entradas dos espectadores que nesa xornada acudan ao pavillón polideportivo. A entrada por persoa custa un euro e dá dereito a entrar no sorteo dunha cesta con produtos de Nadal.

O Concello anima aos cidadáns do municipio e de zonas limítrofes a colaborar nesta iniciativa benéfica e a contemplar o espectáculo deportivo do torneo, que cada ano congrega a algunhas das figuras máis destacadas do fútbol sala da comarca.

· Web Oficial do Concello de Mesía. · Xanceda s/n. 15685 - Mesia. A Coruña. Tlf: 981 687001. Fax: 981 687069


v.03.01:0,052 GestionMax Novas Política privacidade Aviso legal Buscador