 |
PRETO DE SETENTA PERSOAS PARTICIPARON NO PROGRAMA DE SAÍDAS AO BALNEARIO DO CONCELLO ESTE OUTONO |
|
 |
 |
|
|
|
|
 07-11-2011.- Arredor de setenta persoas, o equivalente á práctica totalidade das prazas dispoñibles, participaron nas saídas ao Balneario de Guitiriz organizadas polo Concello de Mesía durante este outono, dentro do seu programa "Deporte é saúde 2011".
Os participantes dividíronse en dous grupos. Un correspondeu ás parroquias de Mesía, Olas, Visantoña e Xanceda, e o outro ás de Boado, Cabrui, Castro, Cumbraos e Lanzá. Os residentes en Albixoi, Bascoi e Hospital de Bruma puideron escoller en que grupo se inscribían, en función das datas e das rutas do transporte establecidas para cada grupo.
Cada un deles efectuou catro saídas. Ao primeiro grupo correspondeulle os luns 10, 17 e 24 de outubro e o mércores 2 de novembro. Ao segundo, os martes 11, 18 e 25 de outubro e o xoves 3 de novembro. Neste tempo, tiveron ocasión de completar un circuíto termal útil para mellorar a súa condición física xeral e para así reforzar a súa saúde. Coa subvención municipal, cada un dos participantes pagou unicamente 40 euros polo conxunto das catro saídas, un prezo un 60% inferior ao de mercado. |
|
|
|
|
|
|
|
|
|
|
|
|
