 |
VECIÑOS DE MESÍA COÑECEN A ACTIVIDADE MARIÑEIRA EN LIRA (CARNOTA) A TRAVÉS DUN PROGRAMA DA CONSELLERÍA DO MAR |
|
 |
 |
|
|
|
|
 04-10-2011.- Os veciños de Mesía aproveitaron as 50 prazas dispoñibles no programa 'Mar Achega' da Consellería do Mar para acudir a coñecer, na xornada de hoxe martes, a actividade mariñeira na localidade de Lira (Carnota), emblema da Costa da Morte.
O obxectivo do proxecto "Mar Achega é precisamente amosar á poboación do interior o sistema de extracción e primeira venda de pescado e marisco nas lonxas galegas.
Os veciños saíron en autobús á primeira hora da mañá, con paradas nas parroquias de Cumbraos, Lanzá, Xanceda, Mesía, Visantoña e Olas. Sobre as 9:30 horas chegaron a Lira, onde presenciaron unha simulación dunha poxa na lonxa, para despois coñecer a zona de marisqueo do percbe en visita guiada.
O xantar incorporou produtos do mar e diferentes alimentos con certificado de calidade, como pan, queixo, viño, pementos... Tras comer, asistiron aos preparativos para a poxa e visitaron a Casa de Pepe do Cuco, unha casa mariñeira con exposicións e material relacionados co mundo do mar.
A expedición regresou a última hora da tarde a Mesía. A saída foi gratuíta para os participantes, ao abeiro do programa da Consellería do Mar.
A galería de fotografías da viaxe pode consultarse premendo aquí. |
|
|
|
|
|
|
|
|
|
|
|
|
